طبعا الملوخية الناشفة من الاكلات المشهور بيها الصعيد واكلة اساسية فى كل بيت.
النهاردة مع وصفات و تكات هنقولك على كل اسرارها وتكاتها علشان تعملي ملوخية ناشفة بأحلى طعم.
مقادير الملوخية الناشفة
- ملوخية ناشفة
- توم مفروم
- كسبرة ناشفة
- شوربة
- سمنة
- ملح وفلفل اسود
طريقة الملوخية الناشفة
- اغلي الشوربة كويس وضيفي ليها الملوخية، (وخدي بالك لازم الشوربة تكون بتغلي).
- وانتي بتضيفي الملوخية للشوربة ضيفى وقلبى علشان تعرفي تظبطي القوام (متكونش خفيفة او تقيلة).
- اول ماتوصلي للقوام المطلوب خليها تاخد غلوة خفيفة وغطيها واطفى عليها.
- في نفس الوقت في طاسة حطي سمن وعليها التوم علي نار هادية وقلبي.
- اول ماتطلع ريحة التوم حطي كسبرة ناعمة.
- قلبي واول ما التوم يبقى لونه دهبى ضيفيه للملوخية ورجعى مغرفة من الملوخية للطاسة اللى عملتى فيها التوم ورجعيهم تانى للحلة.
- اقفلي الغطا بسرعة عشان تاخد الريحة كويس دقيقتين وقدميها.
موضوعات أخرى ربما تهمك
اضف تعليق